Zomi Youth Development

yd logo
tutoring and teaching

Siamno & ELL

Kawlgam ah Covid leh gam buaina hang in ih naupang te sanginn zuan theilo in ah om zawh kum nih bang hongval ta hi. Naupang te’n leitung ah aki zangpen nampau (language) leh lai khat ahi manglai, mangpau sintheih nading in Zomi Youth Development leh LCEC te mapang khawm in ELL (English Language Learners) Program ong kipan khia hi.

ELL Program Ngimna

ELL Program ngimna pen Kawlgam a om sangnaupang te’n manglai, mangpau sintheih nading leh US gam a om Zomi sangnaupang te’n amau sinsa pilna,siamna te hawmsawn theih nading hi. Lia Niang Sian Siam (Siamno) pen ELL Program ah Program Administrator a sep lai tak hi.

text on shelf

Lia Niang Sian Siam kua hiam?

idol singer
Lia Siamno pen YD sungah ELL Program Administrator sem laitak a, lasak siam in 2016 Zomi Idol USA winner zong hi.

Siamno pen Battle Creek, Michigan ah teng hi. Western Michigan University ah Elementary Education major a sin laitak hi. YD Basic Training Batch 2 ah man in YD Research Department ah zong kum 3 val bang manager nasem hi. Kum 3 asep sung in asin khiat thu pawlkhat aki dot ciang “Mi tawh nasep khopna i a thupina, nasep pih tetawh koi ci bang in sem leng lempen ding, ih ngimna te a tangtung theih nang in lawm tetawh nasep khop danding, khat leh khat koicih bang in kipanpih ding” na ci hi.


Testimonial

Siamno tawh Research ah kum 3 sung Assistant Manager a sem khawm Tg. Muanpi in hihdan na ci hi:

“Siamno makaihna ah nuam a salo kuamah omlo ding hi. Amah pen ‘The mother of Research department ‘ ci leng zong khial kei nung.”

Tg. Muanpi

Naupang te pilna ding deihsakna leh gam leh minam khangto nading veina hang in YD leh ELL ah a pilna, a siamna te, a tha leh ahun manpha te sitlo in ong kipia khia a paktat huai, a etteh huai Zolia khat hi. En zong gam leh minam it ing cin kam tawh bek agen hilo in ih hun awng te ah Siamno dan in nasem in ma pang khawm ciat ni.


Make sure to give us a like and follow on social media!

Thanks for reading!

Leave a Reply

This site uses Akismet to reduce spam. Learn how your comment data is processed.